Бухорога поездда йўл олган киши унинг «йўлдоши» — Когонга бориб тушади. Вокзалдан чиқишингиз билан, сизни Бухоро амири қурдирган уч қаватли муҳташам мажмуа — Когон саройи қарши олади. «Газета.uz» мухбири саройда бўлиб, унинг ўтмиши ва ҳозирги аҳволи билан танишди.
Бухоро вилоятида қурилиш инспекцияси бошлиғи туғилган кунида курсдошларини базм учун ўз офисига чақиргани ортидан лавозимидан озод этиладиган бўлди. Туғилган кунни, хусусан, спиртли ичимликлар билан нишонлаш таклиф қилинган.
Болалар омбудсманига Бухоро вилояти Руҳий-асаб касалликлари диспансери маъмурияти мурожаат йўллаб, муассасада фаол даволанишга муҳтож бўлмаган қиз борлиги, аммо онаси уни олиб кетмаётганини билдирди. Оиланинг ижтимоий вазияти ўрганилиб, онаси билан учрашилди ва қиз яшаш манзилига қайтарилди.
Бухоро вилояти театрига кетаётиб ЙТҲга учраган мактаб ўқувчилари автобус ҳайдовчисидан тезликни оширмасликни бир неча бор сўраган. ЙТҲ оқибатида бир ўқувчи воқеа жойида, бир қиз эса шифохонада вафот этган. Шифокорларнинг таъкидлашича, болалар нима бўлганини эсларкан, кучли стрессни бошдан кечирган.
Бухоро марказида «Боқий Бухоро» маданий-этнографик парки лойиҳасини амалга ошириш бошланди. Уни қуриш учун 32,6 гектар майдонда 29 та объект бузилиши режалаштирилган. Ҳозирда бир қатор бинолар қисман бузиб бўлинган. «Газета.uz» мухбири вилоят бош архитектори Зуҳриддин Муҳиддинов билан суҳбатлашди.
Бухорода туристик марказ қуриш учун шаҳар ҳокимлиги ва санъат мактаби биноларини бузишга киришилди. Мактаб-интернат ўқувчилари шароити бўлмаган собиқ пахта заводи ётоқхонасига вақтинча кўчирилди. Мотамсаро она ҳайкалини Когонга кўчиришга қарор қилишди.
Маҳмуд Истамов ўрнига Қўқон шаҳрининг собиқ прокурори Улуғбек Хамдамов Бухоро вилояти прокурори этиб тайинланди. Бир неча кун аввал вилоятнинг Когон тумани прокурори 90 минг доллар пора олаётган вақтида қўлга олинганди.
Бухородаги хусусий боғча тарбияловчиси 2 ёшли болани ургани акс этган видео тарқалди. Вилоят мактабгача ва мактаб таълими бошқармаси тарбияловчи ишдан олинганини маълум қилди.
Жалол Арашов ва Ботиржон Шахриёров Бухоро вилояти ҳокимининг ўринбосарлари этиб тайинланди.
Экология вазирлиги Сурхондарё ва Бухорода 50−70 минг атрофида дарахтни кесишга рухсат бериш бўйича мурожаат келиб тушгани, бироқ бунга рад жавоби берилганини маълум қилди. Ҳокимликларга юборилган жавоблардан сўнг Бухородаги қурилиш компанияси вакиллари лойиҳани ўзгартиришларини билдирди.
Сурхондарё ва Бухоро вилоятларида қуриладиган автомобиль йўли сабаб 70 мингга яқин дарахт кесилиши мумкин. Лойиҳа ҳужжатлари ҳукуматга топширилгани айтилмоқда. Жамоатчилик бундан норози бўлса, Экология вазирлиги ҳар икки вилоятда одамлар фикри эшитилишини билдирмоқда.
Бухоро вилоятининг Қоракўл туманида IT кластер ташкил этиш режалаштирилмоқда. Унда университет, масофавий IT хизматларини экспорт қилиш маркази, тадқиқот марказлари ва ахборот технологиялари билан боғлиқ бошқа объектлар очилади.
Бухорода Ўзбекистонда илк бор электромобиллардан фойдаланиладиган такси хизмати йўлга қўйилмоқда. У Eco-taxi бренди остида ишлайди.
Ғиждувон туманида 3 эркак чўл ҳудудида бир аёлни жинсий алоқа қилишга мажбурланганликда гумонланиб ушланди. Иш юзасидан дастлабки тергов ҳаракатлари кетмоқда.
Бухоро вилояти Жондор туманида 3,3 магнитудали ер силкиниши қайд этилди. Вилоят ФВБ зилзила оқибатида ҳудуддаги ўта муҳим ва тоифаланган объектлар, аҳоли пунктлари талафот кўргани тўғрисида маълумот келиб тушмаганини билдирди.
Ижтимоий тармоқларда Бухорода йўловчи автобусида номаълум эркакнинг қиз болага тегажоғлик қилгани айтилган видеолар тарқалди. Шаҳар ИИО ФМБ ҳолатга аниқлик киритиш учун терговга қадар текширув ишларини бошлади.
Бухорода 2023 йилда йиллик электр истеъмоли 4,3 млрд кВт соатни ташкил этиб, тақчиллик 150 млн кВт соат бўлиши кутилмоқда. Президент ўтказган йиғилишда буларни қоплаш учун 740 та корхонада 22 МВтли, ижтимоий объект ва кўп қаватли уйлар устида 11 МВтли қуёш панеллари ўрнатиш мумкинлиги айтилди.
Айни дақиқаларда Бухоро вилояти суди биносида 1−2 июлдаги Нукус воқеаларида айбланаётган 22 нафар судланувчига нисбатан ҳукм ўқиб эшиттирилиши кутилмоқда. «Газета.uz» мухбирлари суд залидан жараённи онлайн ёритиб боради, шунга кўра мазкур материал вақти-вақти билан янгиланади.
Бухоро вилояти ҳокимлиги ота-оналар мурожаатига кўра мактаб, олий ўқув юртлари ва ўрта махсус таълим муассасаларининг очилишини 16 январга кўчириш тўғрисида қарор қабул қилди. Аввалроқ дарслар 11 январдан бошлаб юборилганди.
ЕТТБ Бухоро вилоятида умумий қуввати 1 ГВт гача бўлган иккита шамол электр станциясини қуриш учун 520 млн долларгача бўлган иккита синдикатланган кредит ажратмоқда.
Қўшимча имкониятларга эга булиш учун сайтда рўйхатдан ўтинг